Një shqiptar 29-vjeçar është arrestuar nga Policia në Torino të Italisë pasi ka rrahur të dashurën e tij.

Sipas mediave italiane, i dyshuari i kishte kërkuar asaj telefonin për t’ia kontrolluar, por kur kjo e fundit ka refuzuar ai e ka qëlluar me shkelma dhe grushta.

Viktima arriti të largohej duke u strehuar në shtëpinë e shoqes së saj. Por 29-vjeçari nuk hoqi dorë nga ndjekja duke e pritur atë jashtë derës së shtëpisë derisa të dilte. Megjithatë, ajo e denoncoi sërish të dashurin në Polici.

Zyrtarët policorë kontrolluan banesën e 29-vjeçarit shqiptar ku gjetën 250 gramë marihuanë në garazhë.