Kryeministri shqiptar, Edi Rama njofton se në Tiranë kanë mbërritur 40 800 doza të vaksinës antiCOVID “AstraZeneca”.

Njoftimin e bëri nëpërmjet një postimi në llogarinë e tij në Facebook.

“Jemi të vendosur të çojmë deri në fund planin kombëtar të vaksinimit, për mbrojtjen e jetës dhe shëndetit të çdo qytetar”, tha Rama.

Postimi i plotë:

Aeroporti “Nënë Tereza” – 40,800 vaksina AstraZeneca, pjesë e financimit të qeverisë shqiptare, nëpërmjet instrumentit COVAX sapo kanë mbërritur në Tiranë

Me 899,550 vaksinat AntiCovid që kanë mbërritur deri tani në Shqipëri dhe sasitë e tjera të vaksinave që do të vijnë sipas kalendarit të kontratave që kemi siguruar, jemi të vendosur të çojmë deri në fund planin kombëtar të vaksinimit, për mbrojtjen e jetës dhe shëndetit të çdo qytetari

#ShqipëriaBuzëqesh
#SkaKohëPërPushim