Sali Berisha denoncon: Rendi në duart e mafisë se drogës dhe krimit

Biznesmeni Demir Backa, u ekzekutua mbrëmjen e së shtunës (23 tetor) pasi u qëllua me breshëri kallashnikovi brenda në automjetin e tij tip “Audi” ndërsa ishte duke parkuar pranë ish-QTU në Fier.

Ndërkohë ditën e sotme 10 persona kanë hyrë në banesën e biznesmenit Nazmi Çangu në Krujë, ndërsa ai dhe gruaja me katër fëmijët flinin. Grabitësit kanë marrë kryefamiljarin Nazmi Çangu e kanë mbyllur në një dhomë ndërsa anëtarët e tjerë të familjes, gruan dhe fëmijët, në katin e tretë.

Më pas biznesmenin e kanë torturuar për ti marrë çelësin e kasafortës nga ku më pas kanë marrë para dhe bizhuteri me vlerë 100 mijë euro.

Ish-kryeministri Berisha ka reaguar lidhur me këto ngjarje kriminale me anë të një postimi në Facebook.

Ai thotë se rendi është në duart e mafies së drogës dhe krimit. Berisha shkruan më tej se frymëzuesit kryesorë të krimit janë Edi Rama dhe ministri i Brendshëm, Bledi Çuçi.

“Rendi ne duart e mafies se droges dhe krimit. Ekzekutime mafioze, grupe grabitese dhe torturuese dhjeteshe bejne ligjin, narko ministri i familjes ne ahengje.

Miq, mbreme nje grup mafjoz ne Fier ekzekutoi me bresheheri kallashi ne makinen e tij ne biznesmen dhe pak ore me vone nje bande plaçkitese prej 10 vetesh ne Nikel hyri me force dhe i preu gishterinjte dhe e torturoi nje biznesmen tjeter dhe i grabiti kasaforten. Duke denuar me ashpersine me te madhe te akte mafioze te bandave kriminale qe bejne sot ligjin ne vend denoj gjithashtu kreun e meduzes Edvin Kristaq Rama dhe narkoministrin e tij te familjes Çuçi si frymezues kryesor te krimit, droges ne narkoshtetin e Shqiperise. Sb”