Lideri i opozitës Lulzim Basha ka paralajmëruar nga Shkodra kryeministrin Rama, se tentativa e tij për të likuiduar opozitën do të shkojë dëm.

Këtë dy prill Basha ka zhvilluar homazhe për protestën anti-komuniste zhvilluar më 91’ dhe është shprehur se Shqipëria dhe shqiptarët po bëhen gati që më 13 prill të sakrifikojnë njëlloj.

Kryedemokrati po ashtu ka deklaruar se “rilindja” e Ramës nuk e ndalon dot marshin e opozitës, pavarësisht gazit lotsjellës dhe aparatit shtypës.

Basha: Ne ikëm nga ajo strofull e krimit, sepse do ishim në anën e kundërt dhe jo në antenën e duhur, por në anën e Komitetit të Partisë së Shkodrës.

Shëmbëlltyra e këtij regjimi mendon se mund të likuidojë opozitën dhe se mund të bëj dhe pa të, se mund të bëj pa të dhe ta marrë Shkodrën pa zgjedhje. E mund ta mbajë Shqipërinë pa zgjedhje, nën zgjedhë përsa kohë do i nevojitet, mundësisht përjetësisht. Kjo s’ka për të ndodhur, nuk ka vegla të verbra, as gaz lotjellës, as hafije, as aparat shtypës që do të mundë të kthej qetësinë e kufomës politike të rilindjes, trashëgimtaren e denjë të krimeve të 2 prillit 1991.

Protesta madhështore e shkodraneve dhe gjithë Shqipërinë ka vetëm një përfundim, që pati protesta e 2 prillit dhe sakrifica e 4 bijve më të mirë shkodran rrëzimin e diktaturës dhe triumfin e demokracisë.