Kryetari i Partisë Demokratike, Lulzim Basha ka akuzuar kreun e qeverisë Edi Rama se nuk e ka mbajtur premtimin për mbajtjen e borxhit publik nën kontroll.

Në një postim në Instagram, Basha shkruan se jo vetëm që nuk e ka mbajtur nën kontroll, por borxhi publik është rritur.

“65 ditë deri më 25 prill. 100 dështimet e Ramës në 8 vite. Rama premtoi deficit dhe borxh publik nën kontroll përmes politikash të përgjegjshme fiskale. A e ka mbajtur këtë premtim? Përgjigja është jo, borxhi publik është rritur”, shkruan Basha.