“Shqiptarët janë lënë në mëshirë të fatit”, kështu shkruan kreu i Partisë Demokratike, Lulzim Basha në rrjetet sociale për sa i përket situatës së krijuar në vend nga pandemia e koronavirusit, ku shifrat e të infektuarve janë rritur ditë pas ditë.

Numri 1 i selisë blu përsëriti edhe njëherë thirrjen e tij për aplikimin e 4 hapave urgjentë të propozuar nga PD në planin me 5 pika për të ndihmuar shëndetësinë në këtë situatë të vështirë.

“Rritja e numrit të testimeve, rimbursimi i plotë për mjekimin në shtëpi kundër Covid, bonusi i premtuar dhe angazhimi i të gjithë mjekëve e infermierëve dhe shtimi i kapaciteteve spitalore janë 4 hapa urgjentë në ndihmë të shëndetësisë dhe shqiptarëve të lënë në mëshirë të fatit”, shkruan Lulzim Basha.