×
  • Lajme
  • Shqipëria / Krimi i rëndë

    Detaje të reja nga vrasja në Durrës: Djali ishte konfrontuar me babanë para se ta vriste

    Reporteri
    25 Shkurt 2024 | 17:44

    Sipas dosjes hetimore, i ndjeri Pëllumb Metaj para se të vritej nga djali i tij, Hysen Metaj, ata ishin konfrontuar.

    Ky detaj është zbuluar gjatë deklarimeve të vajzës së viktimës, 19-vjeçares, Hygerta Meta, por që është pranuar dhe nga vetë autori, i cili ndër të tjera shton se debatet dhe konfliktet me të atin ishin të shumta.

    Në dosje del dhe mënyra se si fëmijët mes të cilëve dhe djali i vogël, Amarildo tentuan të fshehin ngjarjen.

    “Pasi e vrau Hyseni ka dalë nga banesa duke e lënë kufomën aty. E kam mbështjellë kufomën me plastmas të zi dhe e kam lënë në divan. Në mbrëmje dy vëllezërit janë marrë me hapjen e gropës dhe fshehjen e kufomës, si dhe me armën dhe gëzhojat. Të nesërmen kam parë që tek kasollja ishte lëvizur dheu dhe kam mësuar se aty ishte varrosur kufoma. Vendit përsipër i kam hedhur disa pllaka betoni dhe kashtë që mos dukej vendi i gërmuar nëse vinte për kontroll policia. Kemi biseduar me njëri-tjetrin që nëse do të zbuloheshin nga policia unë do merrja autorësinë e ngjarjes. Pas kësaj mami ka pastruar dhomën si dhe divanin ku ishte shtrirë babai, dhe divanin e kemi ngjitur në katin e dytë”, mësohet të jetë shprehur ajo.

    Mes veprimeve të kryera nga policia, ka qenë dhe marrja në pyetje e familjes së djalit që Hygerta pretendonte se nxitej nga i ati i saj për tu fejuar, raporton tv klan.

    Ata kanë rrëfyer para policisë se e dëshironin një krushqi të tillë, por viktima ja kishte bërë të qartë se vajza do vazhdonte shkollën dhe s’kishte plane për t’u fejuar.

    Tre fëmijët e 50-vjeçarit pritet të njihen të hënën me masën e sigurisë nga Gjykata e Durrësit.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!