Një përplasje fizike ka ndodhur mrbëmjen e sotme në mitingun përmbyllës të Partisë Demokratike në Elbasan.

Sherri mes grupeve ndodhi në hyrje të stadiumit “Elbasan Arena”, ndërsa PD kishte organizuar mitingun përmbyllës ku i panishëm ishte edhe kryedemorkati Sali Berisha.

Partia Demokratike e degës së Elbasanit ka dhënë një shpjegim zyrtar në lidhje me incidentin që ndodhi në takimin përmbyllës të fushatës në këtë qytet, ku dhjetëra persona u përfshinë në një përballje të dhunshme.

Sipas PD, roja i stadiumit nuk ka hapur dyert e kompleksit për ndezjen e disa fishekzjarrëve në tarracë, gjë për të cilën ishte rënë dakord dhe me presidentin e klubit.

“Kishim vendosur të hidhnim fishekzjarrë në tarracën e stadiumit. Roja me qëllim nuk hapte derën e stadiumit. U lidha me presidentin e klubit dhe ai e zgjidhi çështjen. Gjatë kësaj kohe ka ndodhur sherri me rojën e stadiumit”, thuhet në reagimin e PD dega Elbasan .