Policia ka shpallur në kërkim dy djemtë e ish-deputetit të Shqipërisë, Tom Doshi.

Burime për Euronews Albania bëjnë me dije se janë në kërkim nga policia James dhe Markos Doshi, përkatësisht 22 dhe 20 vjeç.

Ata akuzohen se kanë goditur, kundërshtuar dhe nuk i janë bindur urdhrit të Policisë në zonën e ish-Bllokut në kryeqytet.

Mbi të rinjtë rëndojnë akuzat: plagosje e rëndë me dashje, goditje për shkak të detyrës, mos-bindje e urdhrit të policisë dhe prishje e qetësisë publike.

Për të njëjtat akuza policia ka ndaluar një 34-vjeçar që shoqëronte djemtë e ish-deputetit.

Kujtojmë se Tom Doshi dha dorëheqjen nga mandati i deputetit të fituar në zgjedhjet e fundit parlamentare. Ai është i shpallur non-grata nga Shtetet e Bashkuara të Amerikës.