Në fshatin Ngraçie në Mallkastër deri më tani është regjistruar vetëm një votë.

Raportimet nga vend ngjarja tregojnë se pjesëmarrja ka qenë shumë e ulët, ndërsa komisionerët e pranishëm aty thanë për Top Channel se kjo është hera e parë që ndodh diçka e tillë.

Kjo lidhet edhe me faktin se fshati Ngraçie është edhe vendbanimi i kryebashkiakut Agron Kapllanaj i cili ishte një nga të proceduarit për pengim të procesit zgjedhor.

Gjithashtu kujtojmë se në lidhje me pengimin e zhvillimit të procesit janë arrestuar 2 punonjës si dhe nënkryetari i bashkisë Ballsh është shpallur në kërkim.