Një ngjarje e rëndë ka ndodhur në segmentin rrugor Maminas-Gjiri i Lalëzit, ku një 18-vjeçar ka aksidentuar për vdekje një vajzë 8-vjeçare nga Sllovakia, e cila gjendej në Shqipëri në pushime me familjen e saj.

Sipas një njoftimi zyrtar, rreth orës 20:00, në segmentin rrugor Maminas-Gjiri i Lalësit, një automjet me drejtues shtetasin G. Gj., 18 vjeç, ka përplasur një shtetase minorene S. S., 8 vjeçe, nga Sllovakia. Si pasojë e përplasjes 8 vjeçarja ka humbur jëtën në spital.

Drejtuesi i automjetit është shoqëruar në Komisariat për veprime të mëtejshme procedurale.

“Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave dhe shkakut të aksidentit”, njofton policia.