28-vjeçari Erild Gazeli ka vdekur pasi është rrëzuar aksidentalisht nga skela.

Ngjarja ka ndodhur në Krastë të Fushë-Krujës.

Ngjarja ka ndodhur ditën e djeshme, ndërsa mësohet se Policia ka arrestuar për ngjarjen një 46-vjeçar, pasi i riu ka ndërruar jetë teksa ka qenë duke punuar në banesën e tij, ku po kryhej ndërtim pa leje.

Informacion: “Specialistët për Hetimin e Krimeve në Komisariatin e Policisë Krujë arrestuan në flagrancë shtetasin:
L. K., 46 vjeç, banues në Krastë, Krujë, i dënuar më parë për veprën penale “Ndërtim pa leje”, si dhe kanë shpallur në kërkim shtetasin R. H., 39 vjeç, banues në Kameras, Fushë Krujë.

Më datë 07.09.2020, në Krastë, Fushë Krujë, ndërsa po kryheshin punime ndërtimi pa leje në banesën e shtetasit L. K., nga një firmë ndërtimi me administrator shtetasin R. H., aksidentalisht është rrëzuar nga skela punëtori shtetasi E. G., 28 vjeç, banues në Krujë, i cili për pasojë ka ndërruar jetë.