Avioni Presidencial i kreut të shtetit turk Rexhep Tajip Erdogan ashtu siç ishte paralajmëruar u ul në aeroportin e Rinasit në Tiranë rreth orës 11:00, për të nisur kështu vizitën 1 ditore në kryeqytetin shqiptar që do të kulmojë me inaugurimin e Xhamisë së Namazgjasë.

Presidenti turk menjëherë më pas u nis në drejtim të Presidencës, i shoqëruar nga një eskortë me dhjetëra efektivë policie, agjentë të SHISH dhe forcave speciale.

Në orën 11:30, eskorta e Erdogan ka hyrë në Presidencë, ku lideri turk është pritur nga Presidenti Bajram Begaj me një ceremoni zyrtare shtetërore, raporton A2CNN.