Një incident ka ndodhur ditën e sotme në Bashkinë e Maliqit në një prej qendrave të votimit.

Ngjarja ka ndodhur në fshatin Vashmi, ku burrë e grua janë goditur me karrige.

Është burri i cili i përgjakur ka rrëfyer se si ndodhi rasti i rëndë.

“Na goditen në qendër të votimit, arsyeja ishte se do votonte nëna, nuk e lejuan, e shtyen më pas plakun dhe e goditën. Janë djemtë e kryeplakut, na kanë goditur me karrige me sende të forta”, ka thënë burri që u rrah.

Në vendngjarje ka shkuar menjëherë policia. Bëhet e ditur se burrë e grua u mjekuan dhe gëzojnë gjendje të mirë.

Në Bashkinë e Maliqit ka pasur një pjesëmarrje të lartë votimi, ku kanë votuar 31.7% të personave.