Një rast i paprecedentë është regjistruar në fshatin Livinë në Bashkinë e Finiqit.

Mësohet se kutia e votimit në fshatin e sipërpërmendur është gjetur e hapur dhe kjo ka bërë që ajo të klasifikohej si e pavlefshme.

Në këtë fshat të drejtë vote kishin 900 persona, ndërsa në kuti u gjetën vetëm 95 vota.

Por, ajo që është parë me shqetësim lidhet me faktin se mungon pjesa tjetër e fletëve të votimit, që nuk ishin përdorur.

Kjo problematikë iu përcoll Komisionit Qendror të Zgjedhjeve, ndërsa prokuroria pritet të kryejë hetime ndaj komisionarëve të fshatit Livinë në Finiq.