Një shtetas amerikan është gjetur i pajetë në dhomën ku qëndronte në hotel në Tushemisht të Pogradecit.

Ndërkohë sipas informacioneve për mediat, ai është transportuar në morgun e Pogradecit.

Mësohet se autopsia do t’i bëhet në Tiranë, për të vërtetuar shkakun e vdekjes.
Burime bëjnë me dije për Faxweb.al se viktima nuk paraqet shenja dhune, dyshohet të ketë ndërruar jetë si pasojë e gjendjes shëndetësore.

Nuk dihen ende arsyet e qëndrimit të shtetasit amerikan në Shqipëri, nëse kishte ardhur për punë, apo për turizëm. Policia po heton për të zbardhur ngjarjen.