Mjeku i spitalit të Lezhës, Qesk Gjergji, i cili u përfshi pasditen e sotme në një aksident ka ndërruar jetë në spitalin e Traumës.

Viktima, i cili është mjek kirurg në spitalin e Lezhës, mori plagë të shumta dhe nuk mundi të mbijetonte.

Ai po udhëtonte me automjetin e tij tip ‘Benz’, kur në fshatin Balldre në aksin rrugor Lezhë-Shkodër humbi kontrollin e makinës duke përfunduar në anë të rrugës.

Ndërkohë në gjendje të rëndë shëndetësore ndodhet edhe një këmbësor.

Policia njoftoi se grupi hetimor ndodhet në vendngjarje dhe po punon për sqarimin e plotë të shkaqeve dhe rrethanave të saj.