Ish-deputeti i PD-së, Luçiano Boçi, ka denoncuar faktin se, sipas tij, po votohet dy herë nga i njëjti person, në zgjedhjet vendore që po mbahen sot në vend.

Në Facebook, ai ka shpërndarë videon e një qytetari, i cili pranon se ka votuar dy herë në Cërrik, ndërsa tregon edhe gishtat e shënjuar.

Postimi i plotë:

Shiheni vete sa të rregullta janë zgjedhjet!!!!

Proces evropian sa dhe Soreca do habitet, pale vëzhguesit e tjerë ndërkombëtarë.

Personi ka votuar në Cërrik.

Qetësisht e me buzëqeshje tregon gishtat e shënjuar.

Kur ky është futur dy herë,

po të tjerët?!!!

Partiakët, militantët, të fortët?!

Po mbushja e kutive në fund?!

Konkluzionin lijani në dorë OSBE-ODIHR