Komisioni i Pavarur i Kualifikimit këtë të premte ka konfirmuar në detyrë gjyqtaren në Gjykatën kundër Korrupsionit dhe Krimit të Organizuar, Flora Hajredinaj.

Hajredinaj kaloi me sukses procesin e Vettingut, duke dalë e pastër në tre shtyllat e vlerësimit, atë të pasurisë, pastërtisë së figurës dhe integritetit profesional.

Ndërkohë Hajredinaj, ishte pjesë e trupës gjykuese që dënuan ish- ministrin Saimir Tahiri.

Procesi i vetingut për Hajredinajn u krye nga Brunilda Bekteshi kryesuese, Olsi Komici relator dhe Firdes Shuli anëtare. Në cilësinë e vëzhguesit ndërkombëtar ishte i pranishëm Gerrit Spregner.