Autoritetet greke vendosën të mbajnë në fuqi masat në pikat kufitare me Shqipërinë. Ambasada e Greqisë në vendin tonë njoftoi se kufiri do të mbetet i mbyllur deri në datën 5 prill.

Dalja nga Shqipëria dhe hyrja drejt Greqisë ndalohet, ndërsa dalja nga Greqia dhe hyrja drejt vendit tonë është e lejuar nga ora 6:00 deri në orën 22:00 vetëm për këmbësorët dhe mjetet e tonazhit të rëndë si kamionët e mallrave.

Mjetet si autobusa, taksi apo çdo mjet tjetër i transportit të pasagjerëve nuk lejohet të kalojnë. Nga ana tjetër vijon të jetë i ulët numri i shtetasve të cilët kanë hyrë nga Greqia drejt Shqipërisë nëpërmjet pikës së kalimit kufitar të Kapshticës ku vetëm gjatë 3 ditëve të fundit kanë hyrë 619 shtetas.