Kuvendi Kombëtar ka miratuar ndryshimet statutore të PD.

Alibeaj nuk njihet më si kryetar grupi, kësisoj shpallet vakanca për kreun e grupit parlamentar të PD.

Kuvendi vendosi datën 22 maj si dita kur do zhvillohen zgjedhjet për kryetarin e ri.

Kjo datë u paralajmërua më herët nga ish-kryeministri Sali Berisha.

Në një dalje për mediat të mërkurën e 27 prillit, ai bëri me dije se datat 21 ose 22 maj do të jenë datat që do t’i propozohen Kuvendit për zgjedhjen e kreut të Partisë Demokratike.

“U ra dakord që t’i propozohet Kuvendit data për zgjedhjen e kreut të ri të PD-së. Data që do t’i propozohet Kuvendit do të jetë 21 ose data 22 e majit. Gara është hapur dhe do përcaktohen rregullat nga Komisioni”, theksonte Berisha në përfundim të mbledhjes.

Gjithashtu, ish-lideri demokrat njoftoi edhe shpalljen e kandidaturës për kryetar.

Sipas kryetarit të komisonit të punës në Kuvendin e 11 dhjetorit, Belind Kellicci, risi është përfshirja me kuota të dedikuara të diasporës e emigracionit në Këshillin Kombëtar të PD.