Masat kundër covid-19 kanë lënë bosh Llixhat. Në Elbasan, bizneset e lidhura me këtë sektor thonë se të gjitha prenotimet janë anuluar.

Prill maj, konsiderohet sezoni i llixhave. Por si kurrë më parë, këtë vit janë bosh.

Në funksion të turizmit kurativ, në zonën e Elbasanit janë ndërtuar disa dhjetëra struktura akomoduese.

Të gjitha janë bosh, pasi rezervimet janë anuluar.

Të dëmtuar edhe banorët e zonës që siguronin punë në këtë industri.

Banjot termale të Elbasanit njihen për kurimin e sëmundjeve të ndryshme reumatizmale, gjinekologjike si dhe disa sëmundje të kockave.