Vijon kontrolli masiv i territorit për parandalimin dhe goditjen e tentativave për kultivim të bimëve narkotike.

Finalizohet me sukses operacioni policor i koduar “KURDARIA”.

Vihet në pranga një 53-vjeçar, si autor i dyshuar i tentativës për kultivim të kanabisit.

Shërbimet e Komisariatit të Policisë Mat, në zbatim të planit të masave për kontrollin e territorit me qëllim parandalimin dhe goditjen e veprimtarisë kriminale në fushën e kuktivimit të bimëve narkotike, si dhe në bazë të informacioneve të mbledhura në rrugë operative, kanë finalizuar me sukses operacionin policor të koduar “KURDARIA”, si rezultat i të cilit është evidentuar dhe goditur një tjetër rast i tentativës për kultivim të kanabisit, konkretisht:

Është vënë në prangat e Policisë shtetasi, M. K., 53 vjeç, banues në fshatin Kurdari, bashkia Klos, pasi në një zonë të pyllzuar të fshatit, shërbimet e Policisë gjetën të kultivuara fidanë të dyshuara kanabis.

Materialet procedurale në ngarkim të 53 vjeçarit i kaluan Prokurorisë së Rrethit Gjyqësor Mat për veprime të mëtejshme. /Reporteri.net/