Forcat e rendit po vijojnë në aplikimin e masave anti-COVID të dekretuara nga qeveria, që parashikojnë ndër të tjerat përdorimin e maskave në ambientet publike të brendshme dhe të jashtme.

Sipas policisë, janë 356 masat administrative me vlerën 3.000 lekë secila që janë konstatuar gjatë kontrolleve në 24 orët e fundit, diçka që përfaqëson një ulje nga dita e djeshme.

Ndërkohë janë 7 shtetasit që janë shoqëruar në ambientet e Policisë pasi kanë tentuar t’i shmangen masës administrative duke mos i dhënë dokumentet e identifikimit punonjësve të policisë.