Ministrja e Shqipërisë që mban mbi 92 mijë euro në shtëpi

Shqipëria

Ministrja e Shqipërisë që mban mbi 92 mijë euro në shtëpi

Reporteri

20 Shkurt 2021 | 8:27

Belinda Balluku u zgjodh ministre e Infrastrukturës dhe Energjisë në kabinetin e kryeministrit Edi Rama në janar 2019, pas largimit nga posti të Damian Gjiknurit. Më parë, ajo ka ushtruar detyrën e drejtoreshës së Përgjithshme të Albcontrol.

Balluku mban titullin juriste dhe në vitin 1999 është diplomuar për Administrim Biznesi në Institutin Teknologjik të Athinës. Ajo ka kryer një sërë kualifikimesh të tjera në fushat e Sigurisë Ajrore, Telekomunikacionit, Burimeve Njerëzore, Menaxhimit të Qeverisjes Vendore dhe Drejtimit të Institucioneve Sociale.

Skeda grafike e mëposhtme paraqet pasurinë e deklaruar nga ministrja Belinda Balluku nga viti 2013 deri në fund të vitit 2018.

Lexo edhe:

Mes Kolumbisë dhe Dubait, lëvizjet dhe jeta luksoze e bosit shqiptar të drogës, Dritan Gjika

Konfirmohet një tjetër vatër e murtajës së bagëtive në Shqipëri, ngordhin 13 krerë

Gjykata e Apelit në Tiranë liron 39-vjeçarin nga Prizreni, refuzon ekstradimin e tij në Serbi

Nga analiza e deklaratave të pasurisë, BIRN identifikoi si “flamur të kuq” vlerat e larta të likuiditeteve cash të mbajtura jashtë sistemit bankar nga Balluku. Në fund të vitit 2018, gjendja e deklaruar cash është 92 mijë euro dhe 1.5 milionë lekë – shumë herë më i lartë sesa kufiri i lejuar prej 1.5 milionë lekësh jashtë sistemit bankar për zyrtarët publikë.