I ulur në gjunjë dhe duke formuar me duar simbolin e shqiponjës, Ilir Meta është shfaqur përpara protestuesve të shumtë që janë mbledhur përpara Presidencës. 

Meta ka zbritur shkallët e Presidencës dhe është ngjitur në podiumin e ngritur pak metra më tej, shkruan Fjala.al – transmeton Reporteri.net.

Me Himnin Kombëtar është çelur zyrtarisht edhe protesta dhe i pari që ka mbajtur fjalimin e shkurtër ishte aktori Neritan Liçaj. Ai foli për fillimin e “pranverës kuq e zi”.

Presidenti Ilir Meta, ka marrë fjalën në manifestimin e thirrur prej tij në mbrojtje të Kushtetutës. Meta u shpreh se ulet në gjunjë vetëm para popullit dhe flamurit kuq e zi dhe asnjë grupi puçist.

“Unë ushtari i parë i Republikës, presidenca i vetmi institucion legjitim. Ulem në gjunjë para popullit kuqezi“, tha ai.