Mediat britanike ngrenë alarmin për një nënë shqiptare dhe vajzën e saj dy vjeçare të zhdukura që prej datës 2 prill.

Sipas BBC, Sebjana Myzeqari, 24 vjeçe dhe vajza e saj Enissa nuk janë parë apo dëgjuar, që prej datës 2 prill në Doncaster.

Zonja shqiptare Myzeqari nuk ka përdorur kartat e saj të telefonit ose kartat bankare.

Policia e Yorkshire tha se oficerët ishin “tepër të shqetësuar” për sigurinë e tyre.

Supt Neil Thomas tha se znj. Myzeqari u zhvendos nga Shqipëria tre vjet më parë.

Enisa është regjistruar në çerdhe, por nëna e saj duket se bën një “jetë shumë të izoluar” me disa miq në qytet.

Z. Thomas tha se ato nuk kanë bërë “asnjë dalje të ligjshme nga vendi”.

Zyrtarët në Shqipëri i thanë policisë së Yorkshire se nuk kishin gjetur ndonjë gjurmë të nënës dhe vajzës në këtë vend, raporton Express.

“Ne jemi shumë të shqetësuar,” tha ai.

Znj. Myzeqari dhe Enissa u raportuan të zhdukur nga oficerët lokalë të strehimit.