Opozita jashtëparlamentare është larguar nga mbledhja e Këshillit Politik, pasi, sipas saj, po pret përgjigje nga mazhoranca për ekspertizën e OSBE/ODIHR.

“PS kërkon të ndryshojë atë që është konsensualisht e dakordësuar. Ia bëmë të qartë që do të presim përgjigjen e mazhorancës për çështjen e koalicioneve. Pa marrë përgjigje ekspertize nga OSBE/ODIHR, mund të vijojmë vetëm me çështje të tjera në tryezë. Koalicionet ruhen siç janë dhe lista 100% të hapura, nuk lëvizim nga këto kërkesa. Nëse nuk gjendet konsensus, i drejtohemi OSBE/ODIHR-it”, tha përfaqësuesi i PD-së, Oerd Bylykbashi.

Ndërsa përfaqësuesi i LSI-së, Petrit Vasili, theksoi: “PS po bojkoton Marrëveshjen e 5 Qershorit. Kërkesa e opozitës vetëm ndërton konsensus dhe dialog”.