Ramush Haradinaj sot ka dhënë dorëheqje nga posti i Kryeministrit të Republikës së Kosovës.

Ai ka marrë ftesë nga Gjykata Speciale për t’u intervistuar si i dyshuar, shkruan Reporteri.net

Me rastin e dorëheqjes së Haradinajt kanë reaguar figura të shumta nga skena e politikës.

Së fundmi edhe ish-kryeministri i Shqipërisë, Pandeli Majko ka reaguar nëpërmjet një postimi në facebook, i cili e ka duartrokitur gjestin e Haradinajt për t’i bërë nder vendit.

“Ramush Haradinaj ka dhënë dorëheqjen nga posti i kryeministrit si një burrë shteti. Ai kreu një akt që i bën nder Kosovës shtet që drejtohet nga shtetarë të cilët bëjnë dallimin e fatit personal me atë të sigurisë kombëtare.
Veprat e një njeriu vlejnë më shumë se dobësitë e tij.
Sot jam me Ramushin! Të falenderoj komandant për shembullin e luftës, dhe sot në atë të paqes”, ka shkruar Majko./Reporteri.net/