Nuredin Dumani ka mbërritur në spitalin e Traumës në Tiranë ku do t’i nënshtrohet një ndërhyrje kirurgjikale për të hequr plumbin që ka marrë në shtyllën kurrizore gjatë përplasjes me armë në atentatin e organizuar ndaj Talo Çelës në Elbasan.

Policia e Shtetit ka bërë publike videon e momentit të arrestimit të të shumëkërkuarit Nuredin Dumani, i cili u gjet i plagosur në një apartament në Fier.

Dumani kishte shkuar të strehohej në Fier, pas përplasjes me armë në Papër të Elbasanit.

Drejtori i përgjithshëm i Policisë së Shtetit, Gledis Nano në një konferencë të jashtëzakonshme për mediat bëri publike detajet e arrestimit, duke thënë që në momentin që u vu në pranga Dumani ka qenë i plagosur.