Nuk ndalen aktet kriminale, kësaj here në Shkodër. Pasditen e sotme një 50 vjeçar është plagosur me armë zjarri te Ura e Bunës, në hyrje të Shkodrës.

I plagosuri i identifikuar me inicialet G.B mësohet se është qëlluar në pjesën e shpinës dhe ndodhet në gjendje të rëndë për jetën.

Ai është transportuar në spital për marrjen e ndihmës mjekësore.

“Më datë 28.04.2020, rreth orës 17:10, në afërsi të Urës së Bunës, në rrethana ende të paqarta, është plagosur me armë zjarri pistoletë shtetasi G. B., rreth 50 vjeç, i cili është transportuar në spital, për ndihmë mjeksore” njoftoi policia.

Në vendngjarje shkuan forca të shumta policie, të cilat rrethuan zonën dhe ngritën pika kontrolli.

Si rezultat i veprimeve të shpejta është bërë i mundur shoqërimi në ambientet e Policisë i autorit të dyshuar të plagosjes, por për arsye hetimi policia për momentin nuk bën me dije identitetin e tij.

Grupi hetimor nën drejtimin e Prokurorisë po vijon punën për sqarimin e rrethaneve të ngjarjes.

Plagosja në Shkodër vjen pas dy atentateve kriminale në Durrës dhe Lezhë ku u vranë katër persona.