Efektivi i policisë, Nevaldo Hajdaraj që vrau me dy plumba Klodian Rashën, u shfaq i penduar në seancën gjyqësore, ku u vendos “arrest me burg” ndaj tij.

Mësohet se Hajdaraj ka thënë: “Kjo që më ndodhi mua mos i ndodhtë njeriu!”

Ai ka kërkuar të pranishëm në seancë familjen e 25-vjeçarit Klodian Rasha, për t’i kërkuar falje për vrasjen e djalit të tyre.

Akuza zyrtare e lexuar në seancën gjyqësore policin Nevaldo Hajdaraj, është ajo e “Vrasjes së kryer me kapërcim të kufijve të mbrojtjes së nevojshme”, e parashikuar nga neni 83 i Kodit Penal, i cili parashikon një dënim deri në shtatë vite burg.