Pasditen e sotme pritet të organizohen sërish protesta për vrasjen e 25-vjeçarit Klodian Rasha nga efektivi i forcave “Shqiponja”, Nevaldo Hajdaraj.

Protesta pritet të nisë në orën 18:00, ndërkohë që ndryshe nga një ditë më parë kur policia u përball me protestuesit e pambrojtur, pasdiden e sotme forcat e policisë janë angazhuar në ruajtjen e sigurisë.

Tubimi pritet të mbahet përpara Ministrisë së Brendshme, ndërkohë që në terren pritet të jenë 800 punonjës policie dhe në kryeministri janë stacionuar autoblinda të policisë.

Ditën e djeshme kryeqyteti u përfshi nga protesta ku qindra qytetarë mbushën rrugët e Tiranës, Disa prej protestuesve dëmtuan dyert e disa prej institucioneve si Ministria e Brendshme e Kryeministria si dhe zbukurimet e fundvitit në qendër të kryeqytetit.