Kryeministri Edi Rama në takim me deputetët e Partisë Socialiste nga Pallati i Brigadave tha se me Ilir Metën dhe partinë e tij LSi nuk do ketë asnjë lloj bashkëpunimi gjatë qeverisjes në mandatin e tretë. Ai tha se shkarkimi i tij nuk është krejtësisht në dorë të PS, por: Do bëjmë ç`është e mundur.

Edi Rama shtoi se për zëvendësuesin e Ilir Metës do të konsultohet me Partinë Demokratike.

Edi Rama: Me Ilir Metën dhe Partinë e tij nuk ka dhe nuk mund të ketë asnjë bashkëpunim. Ilir Meta duhet të shkarkohet nga detyra. Një personazh grotesk që turpëron çdo shqiptar me sjelljen e tij nuk mund të përfaqësojë më shqiptarët. Shkarkimin e tij nuk e kemi krejtësisht në dorë, por do bëjmë ç`është e mundur. Është shumë herët për të folur për zëvendësuesin e tij, por në varësi se si do të shkojë ky proces ne do të konsultohemi me PD për presidentin e ri.