Kryeministri i Shqipërisë,  Edi Rama ka njoftuar se ditën e premte në Shqipëri mbërrijnë 38 400 doza të vaksinës AstraZeneca.

Përmes një postimi në faqen e tij zyrtare më “Facebook”, Rama shkruan se pas mbërritjes së dozave të AstraZeneca do të nis menjëherë vaksinimi kundër COVID-19 i mësuesve.

“Pasnesër mbërrijnë 38 400 dozat e para të vaksinës AstraZeneca dhe nisim menjëherë vaksinimin e mësuesve.”, shkruan Rama.

Pavarësisht nisjes së fushatës së vaksinimit që nga muaj Janar, shifrat e viktimave dhe raste me COVID-19 mbeten të larta.

Në 24 orët e fundit janë regjistruar 17 humbje jete, ndërsa nga 3035 teste të kryera, janë konfirmuar 631 raste të reja me COVID-19.