Kreu i qeverisë, Edi Rama gjatë konferencës për media ditën e sotme është pyetur në lidhje se kur do të vaksinohen kryetarja e LSI Monika Kryemadhi, kreu i PD-së Lulzim Basha dhe presidenti Ilir Meta.

Rama tha se ende në botë nuk ka një skemë për vaksinimin e politikanëve, por që sipas tij ata duhet të vaksionohen të fundit.

“Unë jam vaksinuar sepse kam bërë të njëjtën gjë që kanë bërë kolegët e mi nëpër botë, nuk është për të siguruar veten, por për të promovuar vaksinimin. Kur vendet e tjera të kenë një skemë për vaksinimin e politikanëve, do ta konsiderojmë edhe ne. Unë them se politikanët duhet të vaksinohen të fundit”, u shpreh Rama.