×
  • Lajme
  • Shqipëria

    Raprti i OBSH-së për Shqipërinë: 5 për qind e grave të dhunuara, 159 gra e vajza u vranë në 13 vjet nga të familjarët

    Reporteri
    27 Nëntor 2023 | 17:33

    Dhuna ndaj grave dhe vajzave vijon të jetë një fenomen shqetësues në Shqipëri.

    Raporti i publikuar nga Organizata Botërore e Shëndetësisë e rendit Shqipërinë të dytin pas Rumanisë sa i takon fenomenit të dhunës ndaj grave në Europën Qendrore,

    Referuar shifrave rezulton se 5% e grave në Shqipëri dhunohen. Edhe pse jo të gjitha rastet denoncohen, në 5 vitet e fundit, 33.628 gra dhe vajza kanë kërkuar urdhër mbrojtje.

    Vetëm në 10 muajt e parë të 2023 janë arrestuar për dhunë në familje 611 persona.

    Sipas të dhënave zyrtare shifrat vazhdojnë të jenë në të njëjtin nivel në vitet e fundit, me thuajse 4 mijë denoncime çdo vit.

    Qyteti me denoncimet më të mëdha të dhunës është Tirana.

    Por problem nuk mbetet vetëm dhuna por edhe krime më të rënda ndaj grave. Nga vitit 2010 në Shqipëri janë vrarë 159 gra dhe vajza, ndërsa në 10 muaj të 2023 janë vrarë 10 vajza dhe gra.

    Në kuadër të 14 ditëve kundër dhunës, vijon të apelohet për ta denoncuar çdo rast dhe për të mos heshtur.

    Sa i takon shifrave në nivel global, vlerësohet se rreth 736 milionë gra pothuajse një në tre i janë nënshtruar dhunës fizike dhe ose seksuale nga partneri.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!