5 efektivë të tjerë të Policisë së Kukësit kanë rezultuar pozitiv në analizat për COVID-19.

Ditën e djeshme ishte një tjetër efektiv policie që u konfirmua i prekur nga koronavirusi, duke e çuar në 6 numrin e të infektuarëve në radhët e policisë kuksiane.

Në qytetin e Kukësit tashmë janë të konfirmuara 17 raste me koronavirus, ndërkohë që testit do t’u nënshtrohen edhe kontaktet e efektivëve që kanë rezultuar pozitiv me COVID-19.

Në Shqipëri numri i të prekurve me koronavirus është 678, sipas raportimit të fundit nga Ministria e Shëndetësisë, ndërsa ka patur edhe 27 viktima.

Ndërkohë numri i të shëruarve është më i madh se sa i rasteve aktive, pasi 394 persona ia kanë dalë të fitojnë “luftën” me koronavirusin.