Policia e Sarandës ka arrestuar një 33-vjeçar, i shpallur në kërkim për kanosje me armë.

Bëhet fjalë për një ngjarje në 8 shkurt, ku 33-vjeçari S.I, në bashkëpunim me shtetasin A.L (i arrestuar në flagrancë në kohën e ndodhjes së ngjarjes), kanë kanosur me armë zjarri dy shtetas të tjerë për motive të dobëta.

Gjykata e Rrethit Gjyqësor Sarandë me vendimin penal nr.9, të datës 13.02.2019, ka caktuar masën e sigurisë “Arrest në burg” për veprat penale “Kanosja”, “Prishja e qetësisë publike”, “Prodhimi dhe mbajtja pa leje e armëve luftarake dhe municionit”.

Materialet i kanë kaluar Prokurorisë për veprime të mëtejshme.