Një operacion ndërkombëtar antidrogë mes Shqipërisë dhe Italisë ka çuar në shkatërrimin e një grupi kriminal me arrestimin e 9 personave.

Tetë persona u arrestuan në Itali, shtetas italianë, dhe një shqiptar me inicialet R.B, 26 vjeç, i cili u arrestua në Vlorë.

Operacioni “RICAVO”, i iniciuar nga strukturat e Karabinierëve të San Gionavvi Valdarno dhe Prokuroria në Arezzo, Itali, pati si qëllim goditjen e një grupi të organizuar kriminal, të përbërë kryesisht nga shtetas italianë dhe shqiptarë, me aktivitet trafikimin ndërkombëtar të narkotikëve.

“Vazhdojnë veprimet hetimore për dokumentimin e plotë të veprimtarisë së paligjshme të këtij grupi të strukturuar kriminal”, thuhet në njoftimin e Policisë së Shtetit.