Media gjermane “Der Spiegel” raportoi sot se policia Federale gjermane ka shoqëruar kreun e qeverisë shqiptare Edi Rama, “pas mosmarrëveshjes për mbajtjen e maskës kundër koronavirusit në avionin e Lufthansa”.

Drejtori i Komunikimit në Kryeministri, Endri Fuga ka reaguar pas lajmit për ndalimin e kryeministrit Edi Rama nga Policia Federale në Gjermani.

Në një reagim të fundit në Twitter Fuga shkruan incidenti i ndodhur është një lajm i vjetër dhe se kompania ajrore ka kërkuar edhe ndjesë, pasi një prej anëtarëve të ekuipazhit ka pasur sjellje të pahijshme.

Lajm i vjeter, per nje incident qe ne thelb nuk kishte vendosjen e maskes, por sjelljen e pahijshme te njerit prej anetareve te ekuipazhit. Ndjesa e kompanise u pranua qe ate dite. pic.twitter.com/lqNNMSXeOU

— Endri Fuga (@endrifuga) April 15, 2022

Incident në avion, Edi Rama u shoqërua nga Policia gjermane, refuzoi ta mbajë maskën