Shërbimet gjyqësore në vendin tonë do të rinisin nga data 27 prill 2020.

Ky vendim është në përputhje me Aktin Normativ nr. 9, datë 25.3.2020, miratuar nga Kuvendi i Shqipërisë në datë 16.4.2020.

Ndërkohë më herët, një grup avokatësh nga i gjithë vendi i janë drejtuar me një peticion Këshillit të Lartë Gjyqësor, Presidentit, Këshillit të Ministrave dhe Ambasadës amerikane, me atë të cilit kërkojnë rifillimin e proceseve gjyqësore.

Ata theksojnë se prej 6 javësh janë në pamundësi për të ushtruar detyrën e tyre, ndërsa që qeveria i ka lënë jashtë skemës financiare mbështetëse.

Kjo sipas tyre ka rënduar situatën financiare në familjet e tyre dhe janë në pamundësi për të paguar detyrimet ndaj shtetit.