Shqipëria është bërë vendi i trembëdhjetë që i bashkohet Operacionit Interflex, programit trajnues me bazë në Mbretërinë e Bashkuar për personelin ushtarak ukrainas. Kosova i ishte bashkuar këtij programi qysh në fillim të tij.

Lajmin e ka bërë të ditur Ministria e Mbrojtjes së Mbretërisë së Bashkuar, përmes një postimi në platformën “x”.

Kjo ministri njoftoi se Shqipëria i është bashkuar programit Interflex, duke u bërë kështu vendi i 13-të pjesëmarrës.

Përkrah Mbretërisë së Bashkuar, programi veçse përfshin vendet si Kosova, Australia, Zelanda e Re, Kanadaja, Danimarka, Norvegjia, Suedia, Finlanda, Holanda, Estonia, Lituania dhe Rumania.

“Mbretëria e Bashkuar dhe partnerët e saj do të vazhdojnë të qëndrojnë me Ukrainën për sa të jetë e nevojshme”, u tha në këtë postim.

Albania is the 13th nation to join the UK-led Operation Interflex.

🇬🇧🇦🇱🇦🇺🇨🇦🇩🇰🇫🇮🇪🇪🇽🇰🇱🇹🇳🇱🇳🇿🇳🇴🇷🇴🇸🇪

The UK and its partners will continue to #StandWithUkraine for as long as it takes. 🇺🇦 pic.twitter.com/L15hdSgMJA

— Ministry of Defence 🇬🇧 (@DefenceHQ) February 25, 2025