Një 20 vjeçar ka rënë në prangat e Policisë pasi u kap në flagrancë duke transportuar pesë emigrant të jashtëligjshëm.

Sipas informacioneve të para, R. H., 20 vjeç, banues në Durrës është arrestuar në fshatin Bradashesh të Elbasanit, pasi në furgonin e tij tip “Fiat” u gjendën shtetasit e huaj.

Në momentin e ndërhyrjes së Policisë ky shtetas nuk i është bindur urdhrit të punonjësit të Policisë për të ndaluar dhe nga verifikimet e bëra rezultoi se drejtonte mjetin pa leje drejtimi.

20 vjeçari po i trasportonte klandestinët nga Korça, me qëllim dhënien ndihmë për kalim të paligjshëm të kufirit, kundrejt fitimit.

Materialet hetimore i kaluan Prokurorisë pranë Gjykatës së Shkallës Parë Elbasan, për veprat penale “Ndihma për kalim të paligjshëm të kufirit”, “Drejtimi i mjetit në mënyrë të parregullt” dhe “Mosbindja ndaj urdhrit të punonjësit të policisë së rendit publik “.