Djali i pronarit të një hoteli në Golem po vazhdon të qëndrojë nën rrënoja, qysh gjatë natës, rreth orës 4 të mëngjes, kur ndodhi tërmeti i madh në Shqipëri, shkruan Reporteri.net.

Ekipet specialiste janë duke u munduar për t’i hapur rrugë dhe të nxjerrët e gjallë nga rrënojat e hotelit Palma, në Golem, pak kilometra larg Durrësit.

Gazetari i Reporteri.net, nga Golemi, raporton se në ndihmë të autoriteteve shqiptare janë vënë edhe ekipe shpëtimi nga Greqia që po ndihmojnë nxjerrjen e trupit të 25 vjeçarit.

Ndërkohë, është njoftuar se deri më tani numri i viktimave të tërmetit në Shqipëri ka arritur në 20 të vdekur, në mesin e tyre edhe dy kosovarë nga Gjilani.