Pas ekzekutimit mafioz në afërsi të “Tiranës së Re” familjarët dhe e fejuara e Jurgen Kurtit janë mbledhur në vendin e ngjarjes.

Vrasja e 26-vjeçarit ka tronditur familjen dhe të afërmit e tij. E dashura e Kurtit pasi ka marrë vesh lajmin e hidhur ka mbërritur me shpejtësi në vendin e ngjarjes duke i kërkuar policisë që të kalojë shiritin.

“Më lini të kaloj…Jo, o Zot të lutem ai është shpirt, ai është jetë. Nuk kam më shpirt” ishin klithmat e të dashurës së tij duke vajtuar, raporton shqiptarja.com.

Jurgen Kurti nuk ishte një emër i padëgjuar për mediat dhe drejtësinë shqiptare. Ai është shoqëruar disa herë në polici për dy vrasje, një ndër të cilat edhe e babait.

Ndërkohë burime nga vendngjarja thonë se i riu ka qenë duke ikur në këmbë në shtëpi kur është qëlluar me breshëri nga një makinë në lëvizje.