Të tjera detaje janë zbardhur nga vrasja e të riut shqiptar në Mykonos të Greqisë mbrëmjen e të hënës.

Autoritetet fqinje thanë se dyshohet që ai është vrarë pas një sherri për shkak të mosmarrëveshjeve për lekët me bashkëkombasit e tij.

Nga hetimet dhe dëshmitë e të arrestuarve, rreth 12 shqiptarë kishin lënë një takim për t’u sqaruar në Mykonos. Nga përleshjet, 27-vjeçari u godit me thikë në zemër dhe ndërroi jetë në vend.

Ai kishte disa muaj në Mykonos, ndërsa mësohet se punonte në ndërtim.

I riu shqiptar, shkruajnë mediat fqinje, qëndronte në ishull që nga shkurti, pa letra.