Komisioni Qendror i Zgjedhjeve në Shqipëri ka bërë të ditur se deri në ora 16:21 janë numëruar plotë 2748 kuti të votimit, nga 5199 sa janë gjithsej.

Sipas këtyre të dhënave, Partia Socialiste është duke e mbajtur ende pozitën e parë me 48.79 për qind të votave.

Në vendin e dytë është Partia Demokratike që ka 38.29% të votave, duke lënë pas vetes LSI-në e cila ka vetëm 7.02 për qind apo 55 mijë e 573 vota.

Kujtojmë se në Shqipëri zgjedhjet parlamentare janë mbajtur dje, kurse deri më tani janë numëruar mbi 50% të votave.