×
  • Lajme
  • Lajme

    Shqiptarët ndër të parët që dëbohen nga Gjermania

    Reporteri
    12 Shtator 2019 | 9:42

    Njerëzit nga Ballkani mund të jetojnë në Gjermani vetëm në kuadër të qëndrimit me leje pune.


    Rregullorja e Ballkanit e mundëson këtë. Shanset për azil janë gati zero. Dëbimet vazhdojnë edhe në muaji shtator.

    Nga Gjermania janë dëbuar afër se 11,500 vetë në gjysmën e parë të vitit 2019. Një rritje e vogël kjo krahasuar me një vit më parë. Kjo është përgjigja që qeveria gjermane i dha në gusht kërkesës së bërë nga partia e Majta (AfD) lidhur me dëbimet e azilkërkuesve të refuzuar nga Gjermania. Dëbimet e azilkërkuesve të refuzuar do të vazhdojnë edhe në shtator.

    Vendet kryesore ku dërgohen të dëbuarit janë Shqipëria, Italia, Serbia, Gjeorgjia dhe Franca. Më së shumti dëbohen shqiptarë, serbë, rusë, gjeorgjianë dhe nigerianë.

    Ndërkohë këtë vit në kufirin gjerman janë kthyer ose nuk iu është lejuar hyrja në Gjermania 6,905 vetëve. Në kuadër të rregulloreve të Dublinit, Gjermania ka kthyer në këtë periudhë 4,215 azilkërkues në vende të tjera të BE-së, sepse aty ata kanë shkelur për herë të parë tokën evropiane.

    Në Gjermani ndodhen më shumë se 246 mijë vetë, të cilët duhet të largohen nga vendi. 191,117 prej tyre kanë statusin “duldung” që do të thotë, se për arsye ligjore ose praktike dëbimi nuk kryhet dot.

    Ndërkohë këtë vit nga Gjermania u larguan vullnetarisht 6,786 vetë duke shfrytëzuar ndihmën e kthimit. /DW/

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!