Shtatorja e Skënderbeut po vendoset në Prizren

Një ditë para 28 Nëntorit, Ditës së Flamurit, në hyrje të Prizrenit, te vendi i njohur si rrethi i ish Ben Af-it, në afërsi të stacionit të autobusëve ka nisur të vendoset shtatorja e Skënderbeut, shkruan Reporteri.net.


Reporteri.net  ju sjell fotografi nga vendi i ngjarjes:

Kjo pjesë tash e tutje do të quhet sheshi i “Gjergj Kastriotit – Skënderbeut”.

Vendosja e Monumentit të Gjergj Kastriotit-Skënderbeut që ka qenë e planifikuar të vendoset më, 6 maj 2020 në Prizren dhe është shtyrë për shkak të pandemisë.

Komuna e Prizrenit në nëntor të vitit 2019 nënshkroi memorandum bashkëpunimi me shoqatën “Trojet e Arbrit”, në kuadër të të cilit shkruhej se lokacioni më i përshtatshëm për vendosjen e shtatores është “rrethi i Benafit” në hyrje-daljen e rrugës Prizren-Gjakovë.